Mazkur maqolada talabalarning innovatsion-ijodiy kompetensiyasini rivojlantirish muammosi oliy ta'limning zamonaviy talablari nuqtayi nazaridan tahlil qilinadi. Tadqiqotning dolzarbligi oliy ta'lim tizimida kompetensiyaviy yondashuvning kuchayishi, ta'lim jarayonining raqamlashtirilishi, mustaqil fikrlash, muammoni yangicha qo'yish va amaliy yechim ishlab chiqishga qodir mutaxassislarni tayyorlash ehtiyoji bilan belgilanadi. Mazkur kompetensiyaning mazmuni kognitiv, operatsion, motivatsion, kommunikativ va refleksiv komponentlar birligida shakllanadi.